去迪士尼做足準備!!!

為了安排一啲精彩節目給TAM'S FAMILY ，決定於2006年1月31日去迪士尼樂園逛一逛，由於為了讓每一位有樂而忘返的感覺，我已經做咗Research，去埋地鐵站買咗One Day Pass，希望可以順順利利，天公做美，媽咪Happy，而我好想買紀念品吖!!! Micky !!! Wait for me, i'm coming!!!!

年初一發花顛

恭喜恭喜!!!到咗大年初一，心情相當之興奮，一大清早同媽咪拜年，之後就去咗美心酒樓飲茶，再逛吓朗豪坊。望吓自己隻錶，用咗咁多嘢先至3點幾，結果都係返屋企攤吓，但係都抵受唔住寂寞兼無嘢好做，最後都係睇咗林海峰DVD，原來呢一隻DVD已經由$188蚊炒到$198一隻，前前後後只不過係二日嘅時間，勁吖!!!所以年初一我就係林海峰嘅影響之下發咗花顛一日。

生日快樂!!!

今日係黑炭頭嘅生日，Miss you so much and Happy Birthday to YOU!!!

拜拜..........奶茶

又要說聲再見 .........實在太令人難以置信，一向視奶荼如水的我，居然能夠由2006年起，差不多進入奶茶不沾達2個星期之久，完全不受魔鬼嘅引誘，太感動喇！結果個人行路好似快咗，輕咗，排毒順利咗，恭喜恭喜！

小玩意

前幾日行吓行吓銅鑼灣，見到時下近期好流行嘅玩具，最初睇落就好似一啲好普通嘅嘅玩具，好可能係售價同貸品完全不成正比例嘅玩具，但係當整間鋪頭放滿了各式各樣嘅小擺設，個嘴就會不其然發出〝嘩〞一聲，有甜品、雜貨、糕點、家庭用品等等...由於我滑嘟嘟都想八掛吓究竟係什麼一回事，所以就決定用放棄$26嘅心態買一盒睇過(我已知道買貴咗)，可能一盒只係得二至三件。一打開個盒，一二三四...總共有7件雜貨，原來紙盒細細原來仲有個小樽，雖然糖果欠奉，但係佢哋嘅像真度居然可以達到99%，覺得日本嘅真係什麼都有，如果下次再有機會買到其他雜貨，好似地拖，清潔濟咁，好cute吖，好貴吖~~~~~~~~

答案

開估返之前嘅答案，其實我個好似大熊貓!!!!!

返嚟喇

經過咗一段時間嘅適應，我滑嘟嘟終於都返嚟，心平伏咗，而一切都回復正常。跟住落嚟就係應該諗吓下一步點做，首先就係有時間就掛住黑炭頭，其次就係應該諗吓做啲嘢令到自己充實一吓，等到自己可以識多啲嘢，唔駛覺得自己好似傻吓傻吓咁，就算學吓倉頡，打字都打快啲，打中文打都好似打英文一樣咁快就好囉，咁咪可以成日更新個 blog。

新年快樂

首先祝各位新年快樂，因為WaDuDu在2005年嘅聖誕節就去咗四川旅行，所以就唔可以同大家講聖誕快樂。其實WaDuDu應該用今日個Blog講吓今次旅行嘅點點滴滴，但係WaDuDu近日心情有點兒Down...