砵仔飯

今日2007年1月28日，其實一起身都無什麼特別東西要做，正當百無了懶之際，排球師兄電聯我話去唔去同佢啲學生打波，士波嘅我梗係要掙取多些經驗值，所以毫不考慮就答應咗。
打完之後就同佢哋全部人去咗大排檔食飯，正當我想叫"五個靚仔"之際，排球師兄叫我hold住，改叫咗五個砵仔飯，飯嚟咗之後仲跟兩支調味料，一樽係豉油，另一樽係豬油，兩樣嘢溝埋一切，係個"正"字及個"肥"字。