Blog Blog搬家了

現在向各位宣報，我的blog blog 要搬家了，新的地址是：http://tamtam.ahdont.com

拜拜我的old blog blog, miss ya!!

1蚊多1件

Ha ha, 近日發覺身邊有啲奇怪嘅現象，就係當買嘢嘅時候個售貨員都會問：「加唔加多1蚊會有多1件吖？」我個心就會諗係咪啲貨賣唔出？抑或係啲貨就嚟過期？會唔會係marketing嘅手法？其實做customer嘅我唔駛諗咁多，如果有需要咪豪多1蚊買多1件囉。不過有時我會諗吓第時唔知會唔會買樓加多1蚊多1呎，多1蚊多1手(股票)呢 ^0^

皮膚生病了

噢!!!!我嘅皮膚最近又不聽話喇，面紅紅之餘隻手又一撻撻。我諗我又要搵呀醫師同我執一擠......苦茶!!!!去到家姐介紹嗰間藥材鋪入面，佢講嗰個中醫師就已經"閃"咗唔do，所以幫我診症嘅係一位女中醫師，仲係同我同姓添。我同佢講話希望可以幫我醫番好啲由細到大好差嘅皮膚，佢就同我講話：「一定好，如果醫唔好我唔姓譚!!!」唔駛咁嚴重呀大夫，就憑你呢一句咁"堅"嘅說話，咁我就見多你幾面啦!!

待頁

大家當然無睇錯，我亦都無寫錯，係待"頁"而唔係待業。身邊好多朋友知道我之前1月份已經離職，但係響我嘅心目中，我等緊嘅係"人生中所期待的一頁"。唔好誤會，其實響我心目中有好多值得期待嘅嘢，只有我滑嘟嘟最清楚。

一些發自內心的感覺

最近所發生的事情都帶給我很多驚喜及以想不到，其中一項是黑炭頭對我所做的一切都令我十分難忘。雖然大家身處在不同的地方，但是雙方都是向著同一個目標進發，不知道是在何時何月何日達成，只要明白對方，就算還有很遠的路程要走，一切走過都已很滿足。雖然黑炭頭已經回到加拿大，但是自己的心情都應該要調節一下，始終在自己身邊幾個月時間，但再次離開，自己都應該接受這就是事實。滑嘟嘟應該是時候瞓醒，再次把全部精神投入工作。多謝各位對我哋兩個嘅支持!!

和其他人交談之中，有時會發現別人都會在感情事煩惱及不開心，有的會不屑去理會，但有的因為對方的一些說話會令到自己忐忑不安。雖然要消除彼此之間的誤會或衝突，是很花時間及力氣，但只要全部所做的全都是發自內心，對方到最後始終會明白，因為大家是深愛著對方。

黑炭頭回歸！！！

真係估都估唔到，黑炭頭響6月初已經返咗香港，呢一個真係好大嘅驚喜，大大話話已經同黑炭頭由上年12月直到而家，已經接近成6個月無見，突然間響自己眼前出現，可以話係一個迷。今次返嚟嘅原因除咗見我之外(我諗係啩！)，佢響7月初會有面試，希望佢事事順利，可以開開心心，做到自己想做嘅嘢。YEA~~~

中國之旅 ~ 從化，廣州，深圳

終於完成咗五日四夜嘅中國之旅，滑嘟嘟要續一咁介紹吓今次嘅 所見所聞，有好多嘢都係第一次添!!!

從化:
浸溫泉 - 雖然係人工溫泉，但係都有好多種類，其中一個名為"魚療溫泉"，個泉有好多魚仔，當 浸隻腳落泉，佢哋就會游過嚟，食你腳嗰啲死皮，好驚吖!!! 而自己住嘅屋有一個獨立溫 泉池，可以嘗試做皇帝響池邊食生果嘅感覺。

農家菜 - 飲咗一個好多材料嘅牛碲湯，好"蘇"好藥材，但係好好飲。

廣州:
羊肉餃 - 雖然自己對於羊肉不是抱有太大興趣，但係今次響廣州呢一站嘗試食羊肉餃。好好味，
值 得一試(面點皇)。

長龍大馬戲 - 上次睇馬戲已經係很多年前的事，當時嘅我都不知馬戲表現為何物。今次呢個表演
好似重拾我以前的童年回憶一樣。馬戲嘅表演內容都是同以前或無線台 慶一樣， 但係今時今日嘅表演就會關注埋燈光，服裝，音樂以及整體嘅構圖，相當之精彩。

廚房製造 - 一間裝修好特別嘅餐廳，佈置是圍繞著"貓步"為主題嘅餐廳。地方很大很闊，中間設
計了一條"貓步"天橋，而餐廳的大電視亦播放著模特兒"貓步"的片段，好型吖。至於
食物方面亦有很好的賣相，味道方面亦不錯，有泰，日，中式食物，一定要一試。

蓮香樓 - 一間相當老字號的茶樓，每一款點心都落重材料，如果響香港一定屬於頂點類型。多蝦
多重料，食完後好似多咗罪惡感，點解? 因為好似間接殺咗幾代蝦仔family。

深圳:
按摩 - 唔駛問，深圳係一個按摩勝地，而今次我就試咗泰式按摩。感覺都不是十分太好，好似同 個女子玩緊摔角一樣，下次都係要番中式就夠了。

整個行程，包食包住包玩包睇，都只不過為$3000 (仲買咗衫及鞋)，好扺!!!!!