砵仔飯

今日2007年1月28日，其實一起身都無什麼特別東西要做，正當百無了懶之際，排球師兄電聯我話去唔去同佢啲學生打波，士波嘅我梗係要掙取多些經驗值，所以毫不考慮就答應咗。
打完之後就同佢哋全部人去咗大排檔食飯，正當我想叫"五個靚仔"之際，排球師兄叫我hold住，改叫咗五個砵仔飯，飯嚟咗之後仲跟兩支調味料，一樽係豉油，另一樽係豬油，兩樣嘢溝埋一切，係個"正"字及個"肥"字。

添馬鑑 ~ 環球加連華

不知不覺間到了唔知幾多年一度嘅環球加連華，呢一個活動我自己淨係參加過一次，但係我係嗰一年總共去咗兩次。第一次係同屋企人去，第二次就係同無帶鎖匙、仲未一切、及搵咗我"zip"時間嘅黑炭頭一切去。嗰一年其實個氣氛幾好，因為我比較喜歡一啲唔駛入場費嘅活動，鐘意就入去逛吓，鐘意就走。聽講今次係最後一次響添馬鑑攪嘅加連華，唔知香港仲有無機會攪加連華？我仲有無機會去擲公仔？

加拿大...尋親之旅

終於完成咗冀待已久嘅悠長假期，我可以同大家講今次嘅旅程係相當之開心，開心嘅程度係唔可以用筆墨形容，最辛苦嘅係搭咗十幾個鐘頭飛機，但係今次嘅旅程已經可以令我忘記搭機嘅痛苦。
呢次旅程見返我好耐無見嘅朋友，我妹妹，特別係見返黑炭頭，個感覺好唔真實，因為你覺得要等好耐嘅嘢，突然間響你眼前出現，陌生得嚟好親切，但係陌生嘅感覺已經被手部嘅溫暖溶化咗，你終於返嚟咗我身邊!!!!!
每一朝早好優閒，唔駛趕，唔駛急，腦袋最忙碌都係諗吓去邊度食嘅，去邊度行。同黑炭頭一切做咗好多第一次嘅嘢: 黑炭頭第一次帶我上天，黑炭頭第一次煮嘢比我食，黑炭頭第一次用男朋友身份同加拿大朋友見面，黑炭頭第一次同我屋企人見面...
又分開了，十萬個唔捨得，伴著我就只有粉紅豬及一串銀色的心，心裏反覆問著自己:「When will i see you again?」