節目重溫

由如WaDuDu從上個星期至今個星期節目非常豐富，所以不能將每一件事都詳細盡寫下，不便之處，敬請原諒。

節目(一) 8月19日中午: 探BB
去到個老朋友屋企探望佢幾個月大嘅侄子，雖然當時個BB仔瞓緊覺，但係都見到個B仔圓碌碌，好肥仔，唔知抱上手唔知有幾重?

節目(二) 8月19日下午: 美食節
有個朋友仔有幾張免費美食節入場劵，就算知道十分之人多，但都決定去睇睇，今年去過咁可以之後都唔駛去。嘩!!! 真係好多人，無機會行去攤位仔細咁睇嘢，隻腳好自然咁不停向前行，好似想用最短嘅時間完成呢次活動，我自己就無點樣去試食，但係好.........攰。

節目(三) 8月19日入夜:歌聲魅影

第一次去睇鬼佬大戲，好冀待，可能我身邊嘅人都有睇過呢一套Opera，為咗令自己可以投入一啲，所以響幾星期之前我買咗呢一套戲嘅vcd，可能我驚自己聽唔明。之前睇咗vcd，個感覺都係比較沉悶，節奏比較慢，有啲擔心唔好睇。開場喇......好型，好精彩，每幕都轉得好快，好靓，好厲害。美中不足嘅就係....啲小朋友成日響度絲絲細語，估唔到有啲父母會咁捨得駛錢落小朋友度。

節目(四) 8月20日中午:女排大獎賽

話咁快又一年，女排大獎賽又開鑼，今次除咗中國之外，我第一次睇泰國隊比賽。雖然佢哋個子唔高，但係總是非常勤力，追波碌地沙全部出齊。到咗戲肉中國對俄羅斯，我本以為會有一場激戰.......但係今期俄羅斯好弱，唔係因為中國勁，連去打world tourment 應有嘅實力打唔到出來，結果呢場波好快打完場。

節目(五) 8月20日入夜: Death Note

睇之前以為係一套普通嘅日本恐怖片，內容係死神流克在人類世界丟下一本死亡筆記，由高中生夜神月拾獲，更認識死神流克，只要在筆記裡被寫上名字的人類便會死去，夜神月為了達成自己心中没有罪惡的理 想世界，不繼殺死罪犯，引來天才青年L及警方的追捕；從此之後，夜神月及L便展開了一場「貓捉鼠」的鬥智角逐戰! 我睇完之後都幾鍾意套戲，唔係因為嗰本death note，而係鍾意睇兩個天才青年鬥智嘅劇情，又要等第二集，吊人引呀~~~~~~啲朋友仔話套戲係改編自漫畫，佢哋話comic仲好睇。

節目(六) 8月23日放工後:dinner
同一個好耐無見嘅朋友吃晚飯，風花說月，談笑風生咗一晚 。

節目(七) 8月25日放工後:卡啦ok
因時間仲早原故，同一班同事第一次唱卡啦ok，我好耐未唱過歌，平時WaDuDu嘅男性朋友都會係k房變咪霸，所以今次唱得好痛快。

節目(八) 8月25日卡啦ok後:公司活動
因為唱K原故，所以遲咗去到公司嘅晚飯活動，成場人望住我哋入座，連公司大老細都望實我哋，張抬好近，好瘀。ha ha ha ha~~~ ^0^但係好玩!!!!