難忘的一天: 植樹日

經過黑炭頭嘅鼓勵以及佢準時長途電話嘅Morning Call，我不得不起身參與同事嘅行山活動。一去到地鐵站，大伙兒就去到參賽起點。原來今次活動，不包括我在內，4位同事係代表公司參加公開組，比賽形式係由城門水塘主霸，到達鉛礦凹(領苗處），然後用自己嘅方法運送50棵樹苗到草山，種下樹苗，再回到水塘主霸，總共需時6個小時內完成。

比賽一開始，大家都輕輕鬆鬆，經過大約2小時就到了領苗處，4位同事分別把50棵樹苗平均分配於4個BYOB之袋裹，然後就繼續行程。因為同事中有一位女性，所以私幫她背背襄，跟著她一步一步地走。到了上梯位置，眼見女同事走得比較累，我主動幫她拓一拓樹苗袋，「嘩!個袋勁重」，結果由我搬苗上山，我突然諗起我個Personal Porter: "黑炭頭, where are u?"，我未試過背起十幾磅嘅嘢上山頂，好辛苦，令我想起第一次行山嘅情況。Finally, 自己仲要比其他同事快一步上到山頂，我成功啦! 可能係同黑炭頭以前行山嘅成果而令到我去到山頂。

去到草地，學懂種植樹苗方法，我哋一口氣把50棵樹苗種完，再回到起點處。可能係休息時間較長，所以在最後15分鐘趕路，終於在6小時內完成整個行程。

結果，成個人散咗，做咗樣有益身心嘅活動，好有滿足感，同事對我另眼相看，自己好勁完成6小時non-stop行程，點解我咁勁？係你令我有咁厲害嘅意志力，多謝你~~~~~黑炭頭!!!!