冀待的禮物

今日返到屋企，見到寄比我一張好大嘅卡，一打開個信封，一張好得意嘅情人節卡，原來係黑炭頭寄比我架，張卡可以摺成一個栗米片盒，仲以為黑炭頭廢物利用添。個盒可以放黑炭頭送比我嘅嘢，我好鍾意吖，多謝哂!!!!!

個盒面可以打開，黑炭頭就寫咗好多嘢比我，佢寫比我嘅嘢咁緊係唔話比你知啦，So Sweet!!!

人物介紹

呢個人仔啱啱響情人節過咗佢係地球上嘅一歲生日，佢捉緊我送比佢嘅利是，好似心明呢封利是嘅重要性，做姨姨嘅我希望佢越大越靓，恃靓行兇!!!!!

Happy Valentine Day

今日係每個拍拖嘅情侶所冀待嘅節日 ----- 情人節。WaDuDu已經經過好幾年嘅情人節，但係總係有人歡喜有人愁，隨著自己嘅年紀漸漸增長，對於一些物質上嘅嘢都覺得不再重要，因為響我心目中已經有一樣嘢比任何東西更加重要，你知道嗎？

迪士尼？好....玩......

日期: 31-1-2006 年初三 天氣: 相當炎熱 + 勁太陽 UV指數: 強++++
1) 朝早去欣澳站，一早到有樂園車埋站，人群一湧而上，仲衰過返公，好彩上咗下一班，無人， GOOD~~~
2) 去到門口，見到人海，人海仲浮吓浮吓之際，用VISA一"咔"，快快入場，GOOD~~~
3) WaDuDu做導遊絕無冷場，GOOD~~~~~
4) 見到有人因排隊嗌交 x 2次，嚇親細路，BAD......
5) 有"BIG SIX"人打尖，WaDuDU用半喊半淡嘅國語出聲，去我心頭之忿，BAD........
6) 傻吓傻吓做咗最後幸運兒同唐裝Micky & Mini合照，GOOD~~~~
7) 等影合照時，工作人員CUT龍被人圍，被人話，仍然好有禮貌，EQ高，夠專業，不過好慘， BAD.......
8) WaDuDu 做咗二五仔，指證打我哋尖影合照嘅師奶，等佢知難而退，GOOD~~~~
9) 唔會再去啲要同"BIG SIX"人排隊嘅活動!!!!!!!!!!!!!!!

唐裝Micky & Mini 拜年

去到每一個地方都需要用好多時間排隊，所以都無同任何一個卡通人物拍照，但係到咗就返屋企嘅時候，去完洗手間出來之際，啊哥話有米奇影，咁咪走去排隊，排到我哋就咁啱CUT隊，所以響毫無心理準備之下就影咗呢幅相，恭喜恭喜!!!