缺氧

唔知點解一返到屋企，好快會眼瞓，可以響超短嘅時間張自己大腦嘅CPU停止運作，進入昏迷狀態，連以前扮精神聽電話呢朝已經用唔著，再嚴重啲已經唔適拎起個電話。我：「醫生，醫生，有無得救？有無解決辦法？」醫生：「可能你屋企充滿二氧化碳，解決(一)夜啲返屋企，解決(二)響屋企用氧氣樽嘅氧氣呼吸，解決(三)任由CPU自己停止運作。」但係我自己仲有一個解決方法，呢個方式就係要靠黑炭頭......唔知係點？金易金易~~~~~

游吓游吓~~~

今日係星期一，所以無心機返工，個魂魄好似去咗遊埠，傻吓傻吓，不在狀態中，好不容易先到放工時候。之後去咗太子搵黑炭頭，諗住食完飯先睇魚，但唔知去邊到食，結果遊吓遊吓，就去到一間好耐未去過嘅餐廳。嘩！見到包青天隻馬仔同Credit"order"咗個二人套餐，二人套餐，二人套餐，二人套餐，二人套餐，二人套餐，唔怪之得啦，平！靚！正！我同黑炭頭都唔抵得，叫埋同一樣嘅嘢。食完飽飽去睇魚魚，見佢哋游吓游吓，我都想好似佢哋咁，所以當我大吉利是，咩長咩短嘅時候，記得捐哂我身體上有用嘅器官出去，跟住攞我啲灰散出大海，記得係會見到熱帶魚魚嘅地方，可以浮吓浮吓，咁我就心滿意足。

執位.......係執房

我向大家宣佈，我同黑炭頭完成咗一項創舉，就係張一間只係得返一條走火通道嘅睡房，變返一間人住嘅睡房，點解咁睇唔開？事原係黑炭頭特然決定想換咗睡房張書抬，所以把心一橫，決定重整成間睡房，結果連我自己間房都未試過執嘅情況之下，咁就幫黑炭頭完成咗佢個心願，都只不過係張間房變回一個正常人嘅睡房plus書抬，與此同時，我亦都測試到自己嘅耐性，響一間房可以執咗3大袋唔著嘅衫，再加上2大袋垃圾。另一方面，當睇住黑炭頭把一塊二塊嘅木板變成價值$1xxx嘅書抬時，完全係覺得一個字.......勁吖！