改變

係時侯改變自己，因為最近當有一下感覺令到自己好似淋咗一盤冷水之後，成個人好失落，諗咗成晚，有時同多啲唔同嘅人見面，分散多啲時間，應該放手時就要放手，何嘗唔係一件好事。

新生

都返咗差不多一個星期嘅工作，有好多嘢都唔係好熟，始終都係New Baby一名，身邊好多個同事都做咗差不多十年，而我只不過係返咗短短嘅一個星期......不過，我有一個希望，希望個Senior Manager可以教到我更多更多嘅嘢，而我亦都唔想令佢哋跌眼鏡，亦都想自己能力可以handle，待續..........

第一次

今 日係我首次返新工，個感覺有些怪怪，原因係新環境，新同事，好多嘢都攪唔清楚，不過我知道係需要多少少時間適應，我會繼續努力。同事都對我都幾好，希望我好快咁融入佢哋。到咗晚上，我有一個好耐無見嘅朋友電聯我，咁咪出嚟同佢見吓面，講吓講吓，佢都講咗好多嘢比我聽，亦有一些少為人知嘅秘密。人生在世，轉眼間時間會好快溜走，唔應該浪費時間去估吓估吓，就係因為每過一秒鐘亦或只差一點點，結果就會改寫: 雪榚會變溶，凍飲會變暖....。朋友，時間係唔會等人，而機會係唔會等你，曾經嘗試亦無悔，加油吧。