小姐變太太大日子

終於到咗婚禮嗰日，我負責玩兄弟之環節一切順利，schedule好趕，好眼瞓，總之就係:一切順利，新娘好靚，天公做美，場地優美，食物好味，姊妹一流^0^

一額汗

幾經辛苦，終於都完成哂所有嘅面試，成個人鬆哂，而以兩個面試嘅比較，後面一個比較有壓力，因為有探子為我鋪路鋪到只許成功，不許失敗，所以每個問題都唔可以有差池，而探子回報我第一個面試好大機會選我，但另一位Canadidate所讀嘅科目一致，所以我排No. 2，兩個interview我都好滿意自己嘅表現，所以「今次嘅面試係成功嘅！」
明天就係我一位朋友嘅wedding day，今晚會去酒店睇佢上頭，好exciting，好似自己嫁一樣，而今日我一定要買哂所有嘅玩兄弟之物品，schedule好緊密，一切順順利利!!!
多謝你嘅支持，好開心吖！

倒水日

終於第一次睇咗個專科皮膚醫生，時間好短，但係好昂貴，而且佢仲係用急口令嘅方式嚟解釋返我皮膚嘅情況，咁就成為千幾蚊，藥又無粒，淨係比咗隻食咗會眼瞓嘅敏感藥及二隻分別為有藥性及無藥性嘅藥膏。到咗第二日...............一覺瞓到天光，成晚無痕到，而啲藥膏又幾駛得，心情相比起之前嗰幾日好好多，倒咗千幾蚊嗰一刻肉痛嘅感覺已經無咗。我有x個希望，希望我嘅皮膚好似雞蛋一樣，希望可以斷尾，希望唔駛再睇醫生.......

睇戲日

今日去咗朗豪坊睇戲，可能真係好耐未去過戲院睇戲，而且套戲幾好睇，所以感覺好好。以前因為響加拿大睇戲無字幕，所以有時睇戲睇到一頭霧水，所以今次有代入感，完全明白哂。計劃星期一去睇皮膚醫生，自己都想靚靚咁參加朋友嘅婚禮，第一次有份參與今次婚禮，不容有失。

Mr. Yoda

He's Cute~~~~~

Yeah~~~

我向各位宣佈，我已經正式脫離上班一族嘅生涯，回復自由身。而今日亦同時凡去咗interview，好緊張，但係都覺得自己嘅表現都平均，自己亦都抱住一線嘅希望，但係都唔係100%有信心，休息幾日先算。
銀包大出血，就嚟流乾，死梗喇!!!!不過死得抵，因為啲衫好靓吖!

倒數

嘩！最近有好多嘢進入最後階段，例如:
1) 唔駛做，脫苦海，獲自由。
2) 辦喜事，精神爽，扮靚靚。
3) 搵新工，真希望，可成真。

希望所有東西都可以順順利利啦，共勉之！

Suprise~~

嘟嘟最近收到一位朋友嘅來信，其實都幾suprise(suprise I)，我已經收到哂所有鼓勵嘅說話，我會銘記於心，Thanks!最近唔知係咪好年，響我身邊有好多人辦喜事，有2個會響今年結婚，而另外2位就響下年結婚(suprise II)，嘟嘟唔認老都唔得，要努力儲錢做人情。今日未返到公司，就已經有人報告有大單嘢發生(suprise III)，斜坡有大樹壓親架的士及車場有水滴落架法拉尼度。(suprise IIII)嘟嘟今日飲咗好多水同食咗好多嘢，多謝哂。

堅持~~

遞咗辭職信之後，發覺個人開郎咗，輕鬆咗，但係總會有人會留下你，我決定唔會好似上次衰心軟，今次一定會走。有陣時有啲嘢，唔好咪洗過鋪牌，由頭打過，總好過為以前嘅所有嘢留戀。一句講哂，做人最緊要開心，只要憑著自己想做的方向行，便行! Happy Mother's Day!

忙碌 x 9999999

忙，已經成為咗每個人掛響口邊嘅說話。
忙做嘅、忙執嘢、忙Search嘢、忙諗嘢、忙寄嘢、忙學嘢、忙忙忙.......
「切記切記切記，Relax Relax Relax，緊記緊記緊記，Break Break Break」
希望你響忙碌之中亦能尋找到一刻的寧靜。

無題

今日有啲失落感..........

意見+ 燒豬

好多謝一位家庭觀眾嘅意見，我決定會緊記，而且銘記於心(每一個字都係記錄於私人時間)。今日好曬，身體外露嘅地方都燶咗，好唔捨得每一個嘅假期.......我要假期，我要瘦身，我要"美的"冷氣，我要!!我要!!!!我要!!!!!!!!!!!!!!