自己一個.....

終於"的"起心肝去試吓填表搵工, 點知睇返啲Certificate, 我啲嘢全部都發哂毛, 一忽忽, 黑卒卒......(可能之前窗門漏水, 結果.....), 用擦膠又擦唔走, 有啲位又擦爛咗.......嗚~~嗚~~~叫我點搵工?啲人以為我係一個好求期, 連自己咁緊要嘅嘢都攪成咁, 而我覺得好似讀咗咁耐書, 換嚟嘅係一張黑卒卒嘅Cert.(由會考到大學)打電話比人, 佢話scan返哂啲嘢, 試問一啲黑咗嘅嘢去scan, 咁都係scan 啲黑卒卒嘅嘢出嚟, 我只係想響MSN度呻吓, 點知佢好似唔記得咗我咩事,由頭再問過我咩事.......仲話叫我唔好搵佢發脾氣 一句好眼瞓就瞓咗.......
我只不過係想搵人安慰吓, 而我又做錯什麼....一句明白咁又點.....咁我呢? 撫心自問.....有無?

舒服哂~~~~

好煩吖~~~~又係啲痳煩嘢.......又係我一個人負責所有成立委員會嘅大小事宜，佢哋淨係識得響度驚死唔知邊個侯選，船頭驚鬼，船尾驚賊，大小事項淨係識嗌: Tammy~~~入嚟~~~ : 你有無check 吓邊個個資料，知唔知佢哋好唔好，啲Data入起未? 嘩~~~又係我自己 One Man Band? 聯絡、入Data、影印、派Notice...都係我一個人做哂，又話分工合作，不過 4 月30日已經係 ending, 快快過咗去就算....不過最谷氣都係有個客有我個手提電話號碼，打電話嚟問我Defect進度，傻架~~~又未見過你，人又串 : "我 20 號交咗張單 (成10:00p.m.), 我想知道個進度如何? (今日係22號5:30p.m.)"拾吓人，你都傻架，你張單連Main Contractor都未嚟收，排隊都未輪到你啦!!!!
放開哂所有嘅煩惱，走咗去睇東宮西宮之四 (西九龍皇帝)，好攪笑，唔記得哂啲衰嘢~~而黑炭頭又再為佢忙碌嘅Weekend奮鬥，但係我會好記得佢所同我講嘅說話，閣筆！

病嘟嘟

嘟嘟病咗，咳到心口痛，頭痛，一食完飯就想 ZZzzz...zz.....zzz 封信Manager就收咗, 但仲有1個月工返，等住做 Reborn嘟嘟。

心目中的蛋蛋

你試過未?我響2005年4月15日夜晚就試過一隻心目中嘅"出奇蛋"，呢隻蛋可以滿足我三個願望。
(一) 有好 yummy嘅朱古力餅
(二) 可以唔駛行都可以返到屋企
(三) 一個神秘嘅木盒，可以令我拋開煩惱

多謝晒~~~~~~~ ^0^

我好嗎?

好多嘢未做~好攰~好飽~好迷茫~好悶~好平常~好無用~好想你....好嗎?

平安夜

晨早起身返到公司，仲諗住的人會好似打緊仗咁迎接啲Audit Team，原來大家都覺得可有可無，Manager自己又唔心急......咿!?!?!點解啲同事話我今日返夜???原來又係玩緊心靈感應，淨係得我一個唔知。結果同Mum Mum食早餐，傾吓計，so relax~~~!!

2點幾回巢，嘩! 4點幾囉，又係時候頂位，L2係一個"文昌位"，可以令你好專心咁入Data及做Paper Work，so good~~~! 心情好平安，好寧靜。放工又見到一位好耐無見嘅朋友， 但係黑炭頭就瞓咗覺 zZzz...z....z..z